Элсэлтийн Журам

Улаанбаатар дахь Бритиш сургууль нь анги бүлгийн хуваарилалтыг Их Британий үндэсний сургалтын хөтөлбөрийн дагуу хийдэг. Доорх хүснэгтэд хүүхдүүдийг насны дагуу анги бүлгүүдэд хэрхэн хуваарилдаг болохыг харуулав. Боловсролын хэрэгцээний онцгой нөхцөлд Сургуулийн захирлын саналаар нэмэлт оруулж болно.

Хүүхэд/хүүхдүүдээ Улаанбаатар дахь Бритиш сургуульд элсүүлэх хүсэлтэй эцэг эх, асран хамгаалагчид нь элсэлтийн талаарх мэдээлэл авах болон уулзалтын цаг товлохдоо Сургуулийн ресепшин рүү утсаар холбогдох эсвэл хүлээн авагч болон элсэлтийн комисс руу цахим шуудан илгээнэ. Элсэлтийн баг ажлын нэг хоногийн дотор тухайн суралцахаар хүсэгчийн овог нэр, төрсөн огноо, одоогийн суралцаж буй сургууль, эцэг эх, асран хамгаалагчын утасны дугаар болон цахим шуудангийн хаягийг авах зорилгоор холбоо барьж, уулзалтын цаг товлоно.

Хүүхдээ Улаанбаатар дахь Бритиш сургуульд суралцах хүсэлт илгээсэн эцэг эх, асран хамгаалагчдыг Харилцаа Олон нийттэй харилцах менежертэй цаг товлохыг Сургуулийн зүгээс зөвлөнө.

Элсэлт хариуцсан үндсэн ажилтны боломжит цагийг мэдэх зорилгоор уулзалтын цагийг заавал урьдчилан товлодог болохыг анхаарна уу. Элсэлтийн баг нь хичээлийн улирлын туршид Даваагаас Баасан гарагт зөвхөн 13:00-15:00 цагийн хооронд уулзалт товлодог болно. Бусад тохиолдолд хүсэлт гаргасны дагуу цаг товлох боломжтой.

Элсэлтийн баг нь эцэг эх (элсэгчийн гэр бүлийн бусад төлөөлөл)-тэй уулзахдаа, тухайн эцэг эх асран хамгаалагчийн хүсэлтэд үндэслэн Англи эсвэл Монгол хэлээр багц мэдээлэл хүргэн, сургуультай танилцуулж, одоогийн болон дараагийн хичээлийн жилийн сургалтын хуанлийн хуулбар болон нэрийн хуудсаа өгнө. Сургуультай танилцах аялалыг нэгээс дээш гэр бүлүүд хамт хийж болох ч зөвлөгөөг бүртгүүлэгч тус бүрт өгөх болно. Түүнчлэн товлосон уулзалтын үеэр Сургуулийн захирал боломжтой байвал биечлэн уулзаж, ярилцах боломжтой.

Элсэхийг хүсэгч нь албан ёсоор бүртгүүлж, үнэлгээний хураамж болох 50 ам.долларыг төлсөн тохиолдолд, Бүртгэлийн ажилтан нь Монгол Улсад оршин суугаа бүртгүүлэгчдийн бичгэн шалгалт болон Хичээлийн эрхлэгч, эсвэл дэд захирал эсвэл сургуулийн захиралтай хийх ярилцлагын цагийг товлоно.

Одоогоор Монгол Улсад оршин суудаггүй элсэгчдийн хувьд шалгалтын хатуу нөхцөлтэйгээр зохих ёсны хяналт ажиглалтын дор шалгалт өгөх болно гэдгээ ойлгон зөвшөөрсөн тохиолдолд өөрийн суралцаж буй сургууль, эсвэл өөртэйгээ хамгийн ойр байрлах Их Британи Умард Ирландын Вант Улсын элчин сайдын яам/консулын байранд очиж элсэлтийн шалгалт өгөхийг зөвшөөрнө.

Элсэлтийн шалгалт болон тухайн насныхны нээлттэй хичээл (зохион байгуулагдсан тохиолдолд) дууссаны дараа, дүнгүүд болон ажиглалтын хариунууд Сургуулийн захиралд хүргэгдэх бөгөөд захирал шийдвэрээ гаргана.

Шийдвэр гарсны дараа эцэг эхүүдэд баталгаажсан орон тооны санал, эсвэл хүлээлгийн жагсаалтанд нэрийг оруулах эсэх санал, эсвэл орон тоо санал болгох боломжгүй талаар мэдээлэл хүргүүлнэ. Сургуульд элсэгчдийн талаарх захирлын гаргасан шийдвэр эцсийнх байна

Баталгаажсан орон тоог авсан сурагчийн эцэг эхэд доорх баримт бичгүүд бүхий Мэдээллийн багцыг олгоно. Үүнд:

• Сургуулийн гарын авлага (Монгол болон Англи хэлээр);

• Хоёр хэл дээр боловсруулсан Гэр бүр/Сургуулийн гэрээ (хоёр хэл дээрх баримт бичиг);

• Улаанбаатар дахь Бритиш сургуулийн сургалтын төлбөр хураамжийн журмууд (хоёр хэл дээрх баримт бичиг);

• Хичээлийн жилийн хуанли (суралцагчийн элссэн огноонд тохирсон);

• Сургуулийн дүрэмт хувцасны шалгах хуудас;

• Сургуулийн автобус үйлчилгээний цагийн хуваарь;

• Хичээл болон Хичээлээс гадуурх үйл ажиллагаанууд (ХГҮА)-ын хуваарь (зөвхөн хагас жилээр ирсэн сурагчдад).

ГСГ-нд гарын үсэг зурж баталгаажуулснаас хойш ажлын тав хоногт багтаан эцэг эхүүд доор дурдсан баримт бичгүүдийг авчирч өгөх эсвэл илгээх шаардлагатай. Үүнд:

• Сурагч болон түүний эцэг эх, хууль ёсны асран хамгаалагч(д)ийн иргэний үнэмлэхний хуулбар;

• Элсэгчийн эрүүл мэндийн болон дархлаажуулалтын бүртгэл (эм тарианы харшилтай бол тэдгээрийг оролцуулна);

• Элсэгчийн төрсний гэрчилгээний хуулбар;

• Сурагчийн сүүлд авахуулсан цээж зураг - 2 хувь;

• Сурагчийн сүүлийн хоёр болон түүнээс дээш жилийн Сургуулийн дүгнэлт эсвэл дүнгийн хуулбар Англи эсвэл Монгол хэлээр (дээрх мэдээллүүд нь өөр бусад хэлээр байгаа тохиолдолд албан ёсны орчуулга шаардагдаж болно);

• Сурагчийн өмнөх сургуулийн тодорхойлолт.