Улаанбаатар дахь Бритиш сургууль жил бүр уламжлал болгон зохион байгуулдаг Халлевоны баяр зохиогдож сургуулийн нийт хамт олон сурагчдад баярын уур амьсгал авчирсан арга хэмжээ болж өнгөрлөө.
Сурагчид багш нар ангийн хаалга сургуулийн оффисын хаалга бүрийг хамтран чимэглэлээ.
Дунд ангийн сурагчид Пүрэв гарагт хичээлийн дараа "Corpse Bride” хүүхэлдэйн киног тус баярыг тохиолдуулан үзсэн бол Баасан гаригт хичээлийн дараа бага сурагчид Халлевоны дисконд оролцож цагийг хөгжилтэй өнгөрөөлөө.
Халлевоны баяр бол зөвхөн дүрд хувирч амттан идэхээс гадна сурагчид хоорондын харилцааг сайжруулж мөн ахлах ангийн сурагчид бага ангийн сурагчдаа манлайлах боломжийг олгодог. Үүний дагуу Улаанбаатар дахь Бритиш сургуулийн 12,13-р ангийн сурагчид маань бага ангийн дүү нартайгаа хамтран Халлевоны баярын чимэглэлийг гараараа хамтран урлав.
Манай сурагчид хөгжилтэй, урам зоригоор дүүрэн өдрүүдийг өнгөрөөгөөд зогсохгүй бүтээлч байдлыг хөгжүүлэн, багаар ажиллахыг дэмжсэн дээрх олон төрлийн үйл ажиллагаанд оролцож байгааг харахад бидэнд тун таатай байлаа.
Comments