logo logo logo

Улаанбаатар дахь Бритиш Сургуулийн Тухай

Улаанбаатар дахь Бритиш сургууль 2012 оны 9-р сард Англи Уэльсийн үндэсний хөтөлбөрийг хэрэгжүүлэх зорилготойгоор сургалтын үйл ажиллагаагаа эхэлсэн.

Бид сургалтын таатай орчныг бүрдүүлэн сурагчдынхаа суралцах идэвхийг нэмэгдүүлж ирээдүйн амьдралдаа амжилтанд хүрэх нөхцлөөр бүрэн хангах зорилт тавин ажиллаж байна. Бид өв тэгш хүмүүнийг сурган хүмүүжүүлэхийн тулд хүүхдэд цогц мэдлэг олгож, нийгмийн үйл ажиллагаанд идэвх санаачлагатай оролцоход нь өндөр шаардлага тавих болно. Бидний өмнөө тавьсан зорилго, зорилтдоо хүрэхэд нөлөөлөх хамгийн чухал хүчин зүйл бол сурагчид, сургуулийн хамт олон ба эцэг эхчүүд нэгэн баг болж хамтран ажиллах явдал юм.

Сурагчдынхаа амжилт ололтыг бататгахын тулд бид шинэ санаа, туршлага солилцохдоо баяртай байх болно.

Бритиш сургууль нь сургалтын үйл ажиллагаагаа байнга дээшлүүлж олон улсын боловсролын стандартыг хангах эрмэлзэлтэй ажилладаг ба мөн COBIS (Олон Улсын Бритиш Сургуулиудын Холбоо)-ын гишүүн сургуулийн хувьд тодорхой хугацаанд олон улсын магадлан итгэмжлэлд орж байх шаардлагатай байдаг. 

Бритиш сургууль нь 2012 оны хавар Олон Улсын Ерөнхий Боловсролын Бүрэн дунд боловсролын гэрчилгээ олгох сургалтын хөтөлбөрийг хэрэгжүүлэхийн тулд Кембриджийн Олон Улсын Шалгалтын Комиссын магадлан итгэмжлэлд орж энэхүү хөтөлбөрийг хэрэгжүүлэх албан ёсны эрхтэй болсон юм.

Мөн 2012 онд /COBIS / Олон Улсын Бритиш Сургуулиудын Холбоонд Бэлтгэл гишүүн гэсэн статустайгаар элссэн бөгөөд 2013 оны 10-р сард түүний жинхэнэ гишүүн болж үүнийгээ улам баталгаажуулан 2014 оны хавар 5- сард Олон Улсын магадлан итгэмжлэлд амжилттай орж дэлхийн бусад Бритиш сургуулиудын нэгэн адил стандарттай Их Британийн Боловсролын газар албан ёсны бүртгэлтэй сургууль болсон билээ.